మణి ప్రవాళము

ఇతర భాషా పదములను చేర్చి ఛందోబద్ధమైన పద్య కవితను చెప్పిన అది "మణి ప్రవాళము" అనబడును।
ఉదా: జూదము-పానము
సీ:
మార్నింగు కాగానె మంచము లీవింగు
మొగము వాషింగు చక్కగ సిటింగు
కార్కు రిమూవింగు గ్లాసులు ఫిల్లింగు
గడగడ డ్రింకింగు గ్రంబులింగు
భార్యతో ఫైటింగు బయటికి మార్చింగు
క్లబ్బును రీచింగు గ్లాంబులింగు
విత్తము లూజింగు చిత్తము రేవింగు
వెంటనే డ్రింకింగు వేవరింగు
తే॥గీ॥
మరల మరల రిపీటింగు మట్టరింగు
బసకు ష్టార్టింగు జేబులు ప్లండరింగు
దారి పొడవున డాన్సింగు థండరింగు
సారె సారెకు రోలింగు స్లంబరింగు॥

ఇలాంటిదే మరో పద్యము
శా॥
పోస్టాఫీసున పోస్టు చేయుడొక జాబున్ నేడు నా మాటలన్
టెస్టున్ చేయగవచ్చు "స్టార్టిమిడియేట్లీ" యంచు వైరిచ్చుటే
బెస్టన్నింటను; వైరు చూచుకొనుచున్ వేవేగ మేల్ ట్రయినులో
నే స్టార్టౌనత డారణాలె కద మీ కేమైన వేస్టైనచో।

(రూపాయకి పదహారు అణాలు అయితే ఆరు అణాలకు ౩౮ పైసలు అవుతుంది)
సేకరణ :వేదుల బాలకృష్ణమూర్తి(వ్రాయసకాడు- సరసింహ)