పండుగలు లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు
పండుగలు లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు

సంక్రాంతి హేల

సంక్రాంతి హేల


సీ.
అత్తవారిడు కట్న మందవచ్చు నటంచు
క్రొత్త అల్లుడు చంక గ్రుద్దుకొనఁగ

పుట్టింటి వారిచ్చు పట్టుచీరలకునై
ఆడపడుచు లెల్ల రాసపడఁగ

ఉల్లమ్ము బెగ్గిల్ల అల్లు రాకఁ దలంచి
లోభి మామకు గుండె లొటుకుమనఁగ

అప్పడాల్, వడియాలు, పప్పులాదిగకూర్చు
పనులలో అత్తలు మునిగితేల

తే.గీ.
వచ్చె వచ్చెను సంక్రాంతి వచ్చెననుచు
సకలజనులకుఁ దెలిపెడి చందమునను
కూర్మి చలిగాలులను వెంట గొనుచు వచ్చె
మాసరాజంబయిన పుష్యమాసమిపుడు.



సంకలనం ---వేదుల బాలకృష్ణమూర్తి(వ్రాయసకాడు-నరసింహ)
e mail:vedulabaalakrishnamurty@yahoo.com
మీ మీ అభిప్రాయాలు తెలియజేయగల వారి కందరికీ ముందుగా నా ధన్యవాదాలు.



శ్రీకాకుళం,
10-01-2009

భోగి పండుగ

అఖిలాంధ్ర సోదర సోదరీమణులందరికీ ముందుగా నా సంక్రాంతి శుభాకాంక్షలు.

భోగి పండుగ

సీ.
భోగి పండుగ వచ్చే పొందుగా మన ఇండ్ల
తలయంట్లు సాగించ వలయునేడు
ఎల్లి సంక్రాంతియు ఎల్లుండి కనుమావ
లెల్లుండి ముక్కనుమేగుదెంచు
దండిగా నిన్నాళ్ళు పిండి వంటలతోడ
ఇష్టమృష్టాన్నంబు లింపుమీర
బావలు,మరదులు,బందుగులల్లుండ్రు
వదినలు,మరదండ్రు పంక్తికుడువ
తే.గీ.
భోగిమంటలు,తోరణాల్,పొంగలియును,
బొమ్మలకొలువు,బాలల భోగిపళ్ళు,
గంగిరెద్దులు, హరిదాసు గానములును
తెలుగు ముంగిళ్ళ సరిక్రొత్త వెలుగునింప
కాంతులీనుచు మకర సంక్రాంతి వచ్చె.

సంకలనము
వేదుల బాలకృష్ణమూర్తి(వ్రాయసకాడు-నరసింహ)
e mail:vedulabaalakrishnamurty@yahoo.com
మీ మీ అభిప్రాయాలు తెలియజేయగల వారి కందరికీ ముందుగా నా ధన్యవాదాలు.

శ్రీకాకుళం
08-01-2009
 

Design in CSS by TemplateWorld and sponsored by SmashingMagazine
Blogger Template created by Deluxe Templates