విశ్వభాషలందు తెఁలుగు లెస్స

శ్రీ సరస్వత్త్యైనమః

విశ్వభాషలందు తెఁలుగు లెస్స
తే.గీ.
దేశభాషలయందున "తెలుఁగు లెస్స"
అని పలికె కృష్ణరాయలు అరసి చూడ
విశ్వమున నేడు ఉన్నట్టి వివిధ భాష
లందు, తీయని మనభాష ఆంధ్రభాష
పలుకు పలుకున, తేనియలొలుకు భాష
గద్య పద్యాత్మింబైన కావ్యభాష
సాటిలేనట్టి నేటి భాషా వధూటి
రాసి యందుననే గాక వాసియందు
కూడ ఉత్తమమైనట్టి గొప్పభాష
తెలుఁగు వెలుఁగులు దిశలెల్ల తేజరిల్ల
వివిధభాషల కవులు కోవిదులు మెచ్చ
"విశ్వభాషలన్ లెస్స "ని వినుతికెక్కె.


రచన
వేదుల బాలకృష్ణమూర్తి
(వ్రాయసకాడు నరసింహ)
శ్రీకాకుళం,
23.06.2009.