సమస్యా పూరణలు

  సమస్యాపూరణలు

1. వేళ కాని వేళ వేంకటేశ

2. ఉపయోగించని వరములు ఉచ్చై తోచున్

ఆ.వె.|| వేళకానివేళ వేంకటేశ హరి! నీ

పాదపద్మములకు ప్రణతులొసగ

వచ్చినాను; తెరను ప్రక్కకు తొలగించు

మదిని కప్పి వున్నమత్సరమను

ఆ.వె.|| సరసమాడుటకును సమయములున్నవి

రేయి ఎల్ల గడచిపోయె; ఇపుడు

మంగతోడ సరసమాడ విచ్చేసితే

వేళకానివేళ వేంకటేశ

 

కం.|| ఉపయోగపడని వరములు

అపహాశ్యము పాలగుచును అదృశ్యమగున్

ఉపమింపగ మృగతృష్ణలె

ఉపయోగించని వరములు ఉచ్చై తోచున్ !

రచన: వేదుల బాలకృష్ణమూర్తి
వ్రాయసకాడు : మల్లిన నరసింహారావు

సమస్యా పూరణలు

కం||     పేకాట వ్యసన పరులీ

లోకంబును మరతురనెడి లోకపుతీరున్

లోకజ్ఞులు తెల్పవినమె;

పేకాటాడుచు వివాహ పేరంటమెలా?

 

 

తే.గీ.||    దేహి తనకున్న కాంక్షలు తీర్చు కొరకు

హరిహరి యనుచు శ్రీహరి శ్మరణ సేయ

భక్త సులభుడు ఆశ్రిత వత్సలుండు

దేవుడే దిగివచ్చును దేహమున్న

దొంగ కాని వాడు దున్నపోతు

సమస్యా పూరణలు.

దొంగ కాని వాడు దున్నపోతు

ఆ.వె.|| నేర్పు విద్య యందు నిపుణతకై పని

దొంగ కాని వాడు దున్నపోతు

వలెను కష్టపడిన ఫలితము అనుభవించు

బాలకృష్ణ మాట పసిడి మూట

 

ఆ.వె.|| దున్నపోతు నేల దున్నగ కష్టించు

దొంగతనము చేయు దొంగ,  కాని

వాడు దున్నపోతువలెను శ్రమించడు

తెలుగు కవితలోని జిలుగులెవియె

సెల్లుఫోనువల్ల చేటువచ్చె

సిలికానాంధ్రవారి సుజనరంజనిలో ప్రచురించబడ్డ నా సమస్యాపూరణ పద్యాలు
ఆ।వె||
స్కూటరెక్కి పోవుచుండెడి సమయాన
సెల్లుమ్రోగె; ఒంటిచేతి తోడ
బండి నడుప ఎదుటిబండిని ముద్దాడె
సెల్లుఫోనువల్ల చేటువచ్చె

కం||
పూరము రససంభరితము
పారము లేనట్టిరుచిరభావార్ధవచో
సారము తేట తెలుగు నుడి
కారమెయనిపించు తీపికలకండవలెన్

పుల్లెల శ్యామసుందర్గారిచ్చిన న్యస్థాక్షరికి -- వేదుల బాలకృష్ణగారు పూరించిన పద్యం

1వ పాదములో 3 వ అక్షరము 'జ"

2వ పాదములో 5వ అక్ష్రము 'వా

3వ పాదములో 7వ అక్ష్రము 'హా

4వ పాదములో 9వ అక్ష్రము 'రూ

వచ్చునట్లుగా ఉత్పలమాలలో నెహ్రూ శాంతిప్రియత్వమును వర్ణిచాలి

పూరణ ఇలా సాగింది

ఉ||

మేటిజవహరుండు జగమెల్లను శాంతిగూర్పనెంచిదే

శాటనచే వరిష్ఠులను సంఘటితంబొనరించి వర్గపో

రాటములేని స్నేహయుత రాజరికాలవ్యవస్థనిల్పె ఈ

కూటమి నిత్యమై తనరుకోరిక తీరును శాంతిదూతకున్