సమర్పించిన ఆభరణములు
సీసము.
జడ అల్లి జడకుచ్చు జయదేవు డమరింప
తీర్థ నారాయణ తిలక మిడియె
వజ్రంపు ముక్కెర వర పురందరు డీయ
వజ్రంపు ముక్కెర వర పురందరు డీయ
రత్నహారములు క్షేత్రయ్యఁ యొసగె
పట్టు చీరను ముత్తుస్వామి అర్పింప జ
ల్తారు రైక నొసంగె అన్నమయ్య
రత్న కిరీటమ్ము రాందాసు ఒసగ ము
త్యాల హారము లిచ్చె శ్యామశాస్త్రి
తేటగీతి.
రత్న సింహాసనము త్యాగరాజు కూర్ప
స్వర్ణ కంకణముల నిచ్చె స్వాతి ప్రభువు
సర్వభూషణాలంకృత శారదాంబ
వసుధ సంగీత వాణియై వరలు గాక !
శ్రీకాకుళం
5-11-2009
